FOTO - Aksident mes dy veturave në afërsi të Menzës së Studentëve

Një aksident trafiku ka ndodhur para pak minutash në afërsi të Menzës së Studentëve, në Prishtinë, më 14.09.2024.

Sipas disa fotografive që ka siguruar KALLXO.com nga vendi i ngjarjes, shihet se aksidenti ka ndodhur në mes dy veturave, të cilat shihen se janë dëmtuar.

Si dhe, si pasojë e aksidentit shihet se një pjesë e samaforit në afërsi të Menzës së Studentëve ka dalë nga vendi.

Po ashtu në vend të ngjarjes kanë dalur Policia e Kosovës dhe Ndihma e shpejt. 

KALLXO.com e ka pyetur Policinë e Kosovës për këtë rast dhe është në pritje të përgjigjeve.