Foto: KALLXO.com
FOTO: Aksident i rëndë afër Pejës, rrokulliset vetura
05.2.2020 - 16:30
Një aksident i rëndë ka ndodhur para pak minutash në rrugën Prishtinë-Pejë.
Në fotot e dërguara nga një qytetar shihet një veturë e rrokullisur dhe një kamion i ndalur afër vendit të ngjarjes.
Qytetari ka thënë se nuk dihet nëse në aksident është i përfshirë kamioni.
Po ashtu, në vendin e ngjarjes ka dalë njësia e Policisë.
Qytetari ka thënë se në këtë aksident ka edhe të lënduar.
Aksidenti ka ndodhur rreth orës 16:00 në zonën e fshatit Qyshk të Pejës.
Këto janë fotot e dërguara në adresë të KALLXO.com nga qytetari.