FOTO ARKIV
Flet Ilir Tolaj pasi u dënua me tri vjet burgim efektiv
Ish-Sekretari i Ministri i Shëndetësisë, Ilir Tolaj, i dënuar me tri vjet burgim nga Gjykata e Apelit, ka komentuar vendimin.
Tolaj për KALLXO.com ka thënë se kjo është një e papritur e keqe duke marr parasysh vendimin e Gjykatës në shkallës së parë.
“Unë nuk kam marr asnjë vendim deri me tani dhe nuk jam në dijeni për përmbajtjen e tij. Deri atëherë nuk jam në gjendje të jap ndonjë vlerësim. Së pari kjo është një e papritur e keqe, duke marr parasysh ecurinë e gjykimit, aktgjykimin e gjykatës së shkallës së parë dhe raportimin nga gjyqtari raportues në Gjykatën e Apelit. Diçka të kalbur ka në këtë vend tonin”, ka thënë Tolaj.
Ish-sekretari i Ministrisë së Shëndetësisë, Ilir Tolajt, sot është dënuar me tri vjet burgim.
Gjykata e Apelit, e ka aprovuar pjesërisht ankesën e Prokurorisë Speciale të Republikës se Kosovës, në rastin e të akuzuarve I. T., B. F.,Z. K.,V. H.-P.,R. Th. dhe F.T.
Aktgjykimi i Gjykatës Themelore në Prishtinë i datës 06.06. 2018, është ndryshuar nga aktgjykim lirues në aktgjykim dënues.
Të akuzuarit në fjalë, janë shpallur fajtor nga ana e Gjykatës së Apelit për veprën penale “Keqpërdorim i pozitës apo autoritetit zyrtar”.
Ilir Tolaj është dënuar me burgim prej 3 vjetësh. Bekim Fusha me burgim në kohëzgjatje prej 2 vjet e 4 muajsh. Zenel Kuqi me burgim në kohëzgjatje prej 2 vjet e 8 muajsh.
Ndërsa V. H., F.T. dhe R. Th., secili veç e veç, janë dënuar me burgim me kusht në kohëzgjatje prej 6 muajsh.
Gjykata e Apelit gjeti se nga provat që janë pjesë e shkresave të lëndës, janë përmbushur të gjitha elementet e veprave penale, për të cilat ata janë shpallur fajtor.
KALLXO.com ka provuar të marrë një deklaratë nga Ilir tolaj, por i njëjti deri në momentin e publikimit të këtij artikulli nuk u është përgjigjur thirrjeve telefonike.
Gjykimi i ish-sekretarit dhe zyrtarëve të MSh-së është rast i shënjestruar për liberalizimin e vizave.KALLXO.com ka raportuar në vazhdimësi lidhur me këtë proces gjyqësor: LINK
Ish-sekretari i Ministrisë së Shëndetësisë, Ilir Tolajt, dënohet me burgim
