Fisnik Ismaili mohon akuzat për plagjiaturë
Fisnik Ismaili, ish -deputet i Kuvendit të Kosovës, dizajner dhe themelues i agjencisë “Karrota”, autori i monumentit “NewBorn’ ka mohuar akuzat se logoja e përzgjedhur për shënimin e 100 vjetorit të Tiranës si kryeqytet i Shqipërisë, është plagjiaturë.
Bashkia e Tiranës ka përzgjedhur dje propozimin e agjencisë “Karrota” logo fitues për shënimin e 100 vjetorit Tiranës si kryeqytet shqiptar.
Por, sot në një postim në Facebook, dizajneri Rezeart Galica ka shkuar se logoja e “Karotës” është plagjiaturë.
“100 vjet më kopjove me “dashuri”. Ç’ skandal! ‘Truman’ e ideoi dhe konceptoi Rosie Manning, 2016”, ka shkuar Galica në Facebook.
Por, përmes një postimi në Facebook, Fisnik Ismaili themelues i “Karotës” i është përgjigjur akuzave.
“Të nderuem gazetarë e dizajnera amatorë, për me e akuzue dikë për plagjiaturë, duheni të paktën me pasë një fije njohuni për dizajnin. Kryesorja, me dijtë me e dallue stilin (trendin/mediumin) prej konceptit. Dytësorja, mos me vuejtë prej kompleksit të mosdijes, e me ba kësi gabimesh prej dëshirës me u dukë të dijshëm. Këtu janë dhjeta shembuj të përdorun në botë të logove që e përdorin stilin e njajtë të dizajnit shumëngjyrësh, gjysëm të tejdukshëm, ku ngjyrat i hypin njana-tjetrës përmi dhe kombinohen. Google është një që e përdorë kohës së fundit shumë”, ka shkuar ai në Facebook.
Për dallim prej tyne, shkruan më tej Ismaili në reagimin e tij në Facebook, origjinaliteti i logos së Tiranës është pikërisht te gjetja e bukur e inkorporimit të numrit 100 në emër, duke e përdorë stilin (trendin) në fjalë.
Sipas tij, kihste tentime me e qaujtur dikur edhe Monumentin “NEWBORN” plagjiaturë, vetëm, siç ka thënë ai, pse ishte skulpturë tipografike si “IAMsterdam” dhe “LOVE” e ‘NEWBORN’ shkoi i fitoi 7 çmime ndërkombëtare!
“Po të kishit qenë edhe ju profesionistë sikur Karrota, vendi ynë sot kish qenë shumë më i bukur. Pse bre folni për tema që as nuk keni njohuni për to? A unë nime po ju dukem qaq budallë, që me ba plagjiatura që sot gjinden për 10 sekonda në Google? Dëshira juej e etshme me e zanë nji profesionist si Fisi pick ju ka dështue gjithmonë, o hej! E problemi është që ju s’po e keni as lidhjen më të vogël për çashtjet më thelbësore të dizajnit. Provoni punoni, ndoshta ju del më mirë. Na edhe sot po festojmë”, ka shkruar Ismaili në Facebook.
Kryebashkiaku i Tiranës, Erion Veliaj përmes Facebook ka bër të ditur se propozimi i Agjencisë “Karrota” ështët fitues për logon e shënimit të 100 vjetorit të Tiranës si kryeqytet.
“Mbi 35K votues morën pjesë në votimin online për logon e 100-vjetorit të Tiranës Kryeqytet! Fitues me pak diferencë është Karrota nga Kosova! Urime! Ndërkohe, 3 finalistët e tjerë do të jenë pjesë e aktiviteteve të këtij viti!”, ka shkuar kryebashkiaku i Tiranës Erion Veliaj në Facebook.
Në bazë të rezultateve të votimit të prezantuara në Facebook nga Veliaj, versioni fitues i “Karrotës” ka marrë 16007 vota. Në vend të dytë doli propozim i Florian Sallo me 15623 vota, ndërsa i treti doli versioni i Blerim Tuzit me 5609 vota, kurse në vend të katër propozimi i “Kuadr” me 1196 vota.
