Insulina - Ilustrim RTK
Fillon shpërndarja e insulinave nëpër QKMF
Ministria e Shëndetësisë ka njoftuar se ka filluar shpërndarja e insulinave në Qendrat Kryesore të Mjekësisë Familjare të Kosovës.
Nga sot dhe ditëve në vijim do të vazhdojë shpërndarja e insulinave për pacientët me diabet nëpër Qendrat Kryesore të Mjekësisë Familjare.
“Njoftohen të gjithë qytetarët e Republikës së Kosovës se pas hapjes së rrugëve ligjore, Ministria e Shëndetësisë ka përfunduar të gjitha procedurat për furnizimin e insulinave”, thuhet në njoftimin e ministrisë.
KALLXO.com edhe më herët ka raportuar lidhur me problemin e institucioneve publike shëndetësore lidhur me mungesën e insulinës nëpër QKMF-të dhe barnatoret.
Institucionet shëndetësore për muaj me radhë kanë pasur mungesë të insulinës.
Heshtja e Ministrisë së Shëndetësisë karshi problemit me mungesën e insulinave