Fillon marshi i studentëve të UP-së kundër themelimit të Asociacionit

Dhjetëra qytetarë nga qytete të ndryshme të Kosovës janë mbledhur në hapësirat e jashtme të Bibliotekës Kombëtare prej ku kanë marshuar drejt ndërtesës së qeversë, për të kundërshtuar Asociacionin e Komunave me Shumicë Serbe.

Kjo protestë është organizuar nga Parlamenti Studentor i Universitetit të Prishtinës.

Të rinjve u janë bashkuar edhe qytetarë tjerë për të marshuar kundër themelimit të Asociacionit të Komunave me Shumicë Serbe.

Në pankartat e marshit ata kanë shkruar “Zajednica nuk kalon”, “Ku është njohja e diplomave?”etj.

Ndërsa, “Bashkë kundër Asociacionit” është thirrja kryesore e këtij marshi, do të përcjellë të njëjtit nga Biblioteka Kombëtare e përgjatë sheshit kryesor të kryeqytetit deri tek objekti i Qeverisë së Kosovës.

Me këtë marsh, studentët Parlamenti Studentor kanë shënuar edhe 53 vjetorin e themelimit të Universitetit të Prishtinës.