Ferizaj, shtetasi i Serbisë tentoi ta korruptojë policin e Kosovës
Drejtoria për Hetimin e Krimeve Ekonomike dhe Korrupsionit ka arrestuar një person në Ferizaj nën dyshimin për dhënie ryshfeti.
R.V., 59-vjeç, shtetas i Serbisë, ishte ndaluar nga Policia e Kosovës në Ferizaj pasi kishte qenë duke përdorur telefonin gjatë vozitjes së kamionit.
Pas kësaj, Policia të njëjtit ia kishte kërkuar dokumentacionin por qytetari bashkë me dokumentet e kërkuara kishte nxjerrë edhe 10 euro me qëllim që t’ia jep zyrtarit policor.
Polici në detyrë ia kishte tërhequr vërejtjen për këtë por qytetari kishte insistuar për ofrimin e kartëmonedhës 10 euro.
Në këtë rast Policia e Kosovës e ka arrestuar personin dhe ka iniciuar rastin – dhënie e ryshfetit.
Me vendim të prokurorit i dyshuari është liruar në procedurë të rregullt.