Ferizaj, policia shqipton mbi 350 gjoba gjatë fundjavës për mosrespektim të masave anti-COVID-19

Policia e Kosovës i ka shqiptuar 357 gjoba ndaj qytetarë2ve në Ferizaj për shkak të mos respektimit të masave nga ana e tij, për shkak të pandemisë COVID-19.

Policia këto gjoba i ka shqiptuar gjatë fundjavës.

“Gjatë vikendit bazuar në vendimet e Qeverisë së Republikës së Kosovës lidhur me masat mbrojtëse kundër virusit Covid 19,njësitet policore të DRP Ferizaj janë angazhuar maksimalisht nëpër qendrat tregtare dhe lokacionet tjera më të frekuentuara nga qytetarët duke monitoruar respektimin e masave nga ana e qytetarëve”, thuhet në njoftimin e PK-së.

Policia ndaj qytetarëve i ka dhënë edhe 146 vërejtje.

“Apelojmë tek qytetarët që ti respektojnë masat e parapara ligjore me qëllim të ruajtjes së shëndetit të tyre dhe familjarëve të tyre. Policia e Kosovës do të vazhdoj me përmbushjen e detyrave të saj dhe në çdo kohë dhe çdo vend ku do të hasen personat të cilët nuk i respektojnë masat, ndaj tyre do të veprohet sipas ligjit në fuqi”, thuhet në njoftim.

Deri më tani, sipas të dhënave zyrtare në Kosovë me COVID-19 janë infektuar 34 mijë e 295 persona, janë shëruar 21 mijë e 43 pacientë dhe kanë vdekur 914 persona.