Foto: Ilustrim
Ferizaj, arrestohet i dyshuari që ia vodhi zinxhirin nga qafa një gruaje
01.4.2021 - 18:37
Hetuesit e stacionit policor të Ferizajt kanë arrestuar sot 27-vjeçarin, F.A., i dyshuar për grabitje.
Rasti ka ndodhur dje rreth orës 19:00, në njërën nga rrugët e frekuentuara të qytetit të Ferizajt.
Me këtë rast, i dyshuari, me forcë ia ka grabitur nga qafa një zinxhir ari një personi të gjinisë femërore dhe ka ikur në drejtim të panjohur.
I dyshuari është intervistuar në prani të avokatit mbrojtës, ndërkaq me urdhër të prokurorit, i njëjti dërgohet në mbajtje për 48 orë.