Fëmija 2-vjeçar bie nga dritarja e restorantit në Prizren, dërgohet në QKUK
28.4.2022 - 13:44
Një fëmijë i moshës 2-vjeçare është dërguar për trajtim mjekësor në QKUK, pasi ka rënë nga dritarja e një restoranti në Prizren.
Rastin për KALLXO.com e ka konfirmuar Vesel Gashi, zëdhënës i Policisë së Kosovës për rajonin e Prizrenit.
“Fëmija është duke u trajtuar në QKUK për shkak të lëndimeve të rënda. Rasti është duke u hetuar si aksidental dhe njësitet janë duke u marrë me këtë çështje”, tha Gashi.
Ai shtoi se incidenti ka ndodhur mbrëmë në ora 20:50.