Viola Von Cramon
Eurodeputetja e quan ‘të papërgjegjshme’ deklaratën e ambasadorit amerikan për seancën e mocionit
Raportuesja e Parlamentit Evropian për Kosovën, eurodeputetja Viola Von Cramon i ka reaguar ashpër ambasadorit të ShBA-së në Kosovë, pasi ky i fundit përshëndeti mbajtjen e seancës sot (e mërkurë për mocionin e mosbesimit ndaj Qeverisë.
Von Cramon e ka quajtur “të pabesueshme” dhe “të papërgjegjshme” deklaratën e Philip Kosnett.
“Një autogol i SHBA-së në Kosovë me një dimension historik. Si mundeni ju, ambasador, të jeni të kënaqur të shihni rënien e një qeverie funksionale gjatë pandemisë së coronavirusit? E pabesueshme. E papërgjegjshme. Ndihem shumë keq për qytetarët e Kosovës. Ata nuk e meritojnë këtë”, ka shkruar ajo në Twitter.
An own goal of the US in #Kosovo with a historical dimension. How can you an ambassador be pleased to see a functional government tumbling in the #CoronaPandemic? Unbelievable. Irresponsible. I feel terrible sorry for the citizens of #Kosovo. They don’t deserve this. https://t.co/oLA0XCdpen
— Viola von Cramon (@ViolavonCramon) March 24, 2020
Ambasadori i SHBA-së në Kosovë, Philip Kosnett, e ka përshëndetur mbajtjen e seancës për ta shqyrtuar mocionin ndaj Qeverisë Kurti.
Me këtë, sipas ambsadorit do të respektohet Kushtetuta e Kosovës.
“I kënaqur të shoh që Kuvendi i Kosovës do të zhvillojë nesër një seancë për votimin e mocionit të mosbesimit për Qeverinë. Siç i thash sot kryeministrit, është e rëndësishme që Kuvendi dhe të gjitha institucionet e Kosovës të respektojnë Kushtetutën”, shkroi Kosnett në Twitter të martën.
Pleased to see the Assembly will hold a session on the no-confidence vote tomorrow. As I told the PM today, it is important for the Assembly and all Kosovo institutions to respect the Constitution.
— Ambassador Philip S. Kosnett (@USAmbKosovo) March 24, 2020
Pak ditë më parë, deputetja e Parlamentit Evropian, Viola Von Cramon, ka thënë që LDK-ja duhet shqyrtojë pezullimin e vendimit të saj për një mocion mosbesimi deri pas përfundimit të krizës së pandemisë së coronavirusit.