Protesta në veri, 07.08.2024. Foto: Florinda Kelmendi/KALLXO.com
EULEX në urën e Ibrit, pritet të fillojë protesta e paralajmëruar
07.8.2024 - 10:38
Policia e Kosovës, ekipet të EULEX-it e ekipe të karabinierëve italian janë vendosur në urën e Ibrit në Mitrovicë.
Teksa, në anën tjetër të urës, tek sheshi “Car Lazar” në Mitrovicë të Veriut janë parë disa qytetarë të cilët veçse kanë filluar përgatitjet për protestën që pritet të mbahet nga ora 11:00.
Protesta ishte paralajmëruar dje, përderisa të informuar janë edhe Policia e Kosovës.
Dje, më 06.08.2024, zëvendësdrejtori i Policisë për rajonin e Mitrovicës së Veriut tha se protesta parashihet të jetë e qetë.
Ai njoftoi se Policia do të jetë aty në numër të mjaftueshëm që të mbajë rendin dhe qetësinë publike.