Ilustrim
EULEX ndihmon një shkollë të Drenasit me pajisje në vlerë 10 mijë euro
05.9.2019 - 23:00
Misioni për sundim të ligjit në Kosovë, EULEX, ka dhuruar pajisje shkollore për Shkollën Fillore të Mesme të Ulët “Arif Shala” në Korroticë të Ulët të Drenasit.
Vlera e pajisjeve është mbi 10 mijë euro. Ata kanë dhuruar 10 laptopë, 5 PC work, 12 makina fotokopjuese, 10 tabela white board magnetike, material për zyre dhe inventar të nevojshëm për lehtësimin e procesit mësimor.
Drejtori i shkollës, Murtez Shala, ka falënderuar misionin e EULEX-it për dhurimin e këtyre pajisjeve dhe ka shtuar se këto mjete do t’i ndihmojnë përmirësimin e cilësisë në mësimdhënie dhe mësimnxënie.