EULEX ndihmon kthimin e 12 kosovarëve nga Polonia dhe Çekia
22.4.2020 - 19:09
12 shtetas kosovarë janë kthyer sot në Kosovë nga Polonia dhe Çekia.
Kështu ka njoftuar EULEX përmes një publikimi në Twitter duke shkruar se ka financuar fluturimin e tyre nga Varshava në Kosovë.
“Mirë se vini në shtëpi! 12 shtetas të Kosovës të bllokuar në Polonia dhe Çeki u sollën në shtëpi në sajë të një fluturimi nga Varshava të financuar nga EULEX. Mbështetja e palëkundur e BE për Kosovën në veprim”, thuhet në njoftimin e EULEX në Twitter.
Për kthimin e tyre ka njoftuar dje edhe ministri i Infrastrukturës dhe Ambientit, Lumir Abdixhiku përmes një konference për media.