Erëra, shi e breshër në disa komuna të Kosovës

Mot i lig ka përfshirë sonte disa pjesë të Kosovës. Erërat të forta, shi e breshër i madh që ka shkaktuar edhe dëme në disa kultura bujqësore.

Qytetarë vazhdimisht kanë dërguar në adresën e KALLXO.com pamje nga vendi i ngjarjes.

Në fotot më poshtë mund të shihet se si shiu ka dëmtuar një kulm në fshatin Treboviq të Komunës së Pejës. Atje raportohet se një pjesë e vendbanimeve ka mbetur pa energji elektrike për shkak të prishjeve.

Ndërsa përmes videos shihet se dhe në Skenderaj ka shiu i madh ka përfshirë edhe këtë vend.

Gjithashtu në komunën e Ferizajt ka rënë shi shumë i madh dhe kanë fryer erëra të forta.