Elezi (KQZ): Të gjitha qendrat e votimit janë hapur me kohë

Komisioni Qendror i Zgjedhjeve ka bërë të ditur se materiali zgjedhor është shpërndarë me kohë në të gjitha qendrat e votimit.

Këtë e ka konfirmuar zëdhënësi i KQZ-së, Valmir Elezi në konferencë për media.

“Bazuar në informacionet që kemi deri më tani në të gjitha qendrat e votimit, pra në 903 qendra ka filluar procesi i votimit”, ka deklaruar ai.

Përveç votimit të rregullt, sipas tij, KQZ ka caktuar edhe 38 qendra të votimit me kusht.

KQZ u bën thirrje qytetarëve me drejtë vote të shfrytëzojnë këtë të drejtë për të zgjedhur Kuvendin e ri të Kosovës.

DIREKT – Kosova voton sot për zgjedhjet parlamentare