Ekspozoi armën në lokal, policia arreston të dyshuarin i konfiskoi edhe disa fishekë

Një burrë është arrestuar pasi dyshohet se kishte ekspozuar armën brenda një lokali.

Ngjarja ka ndodhur gjatë ditës së djeshme në Gjakovë.

Sipas policisë, i dyshuari deri sa ishte duke qëndruar brenda një lokali në Gjakovë kishte ekspozuar armën e zjarrit.

I njëjti ishte arrestuar më pas ndërsa policia ka konfiskuar një armë, një karikator dhe 10 fishekë.

Për rastin është njoftuar edhe prokuroria e shtetit.

Pas intervistimit të të dyshuarit, me vendim të prokurorit i njëjti është liruar në procedurë të rregullt.

Rasti është iniciuar si armëmbajtje pa leje.