Tirana, Foto: Facebook

Edhe në Shqipëri festat kaluan pa incidente të mëdha

Policia e Shqipërisë njofton se në natën e ndërrimit të viteve deri sot në mesditë, 1 janar, nuk është shënuar asnjë ngjarje kriminale dhe asnjë aksident rrugor me fatalitet.

“Gjatë dhe pas natës së ndërrimit të viteve, si dhe falë qytetarisë së treguar nga qytetarët, në të gjithë vendin, gjatë natës se ndërrimit të viteve dhe deri në këto momente nuk është shënuar asnjë ngjarje kriminale, si dhe nuk është evidentuar asnjë konflikt me pasoja. Në të gjitha qarqet nuk është evidentuar asnjë aksident rrugor me pasojë jetën” informoi sot në mesditë Policia e Shtetit.

Gjithashtu janë ushtruar kontrolle me dragera dhe duke marrë shkas nga numri i mjeteve në qarkullim, verifikimi i rasteve të drejtimit të mjetit nën efektin e alkoolit ishte minimal.

Policia e Shtetit informoi tutje se do të vijojë të jetë në gatishmëri për të garantuar rendin dhe sigurinë gjatë festimeve në vijim./21Media