Edhe 71 të shëruar nga COVID-19 në Kosovë
Instituti Kombëtar i Shëndetësisë Publike ka njoftuar se sot janë shëruar edhe 71 pacientë nga virusi COVID-19.
Me këtë, numri total i pacientëve të shëruar arrin në 2,227 raste, kurse numri i rasteve aktive është 2,387.
Po ashtu, IKShPK-ja ka bërë të ditur se nga 419 mostra të marra nga Klinika Infektive, 203 prej tyre janë konfirmuar pozitiv me COVID-19, duke e rritur numrin e të infektuarve në total në 4,715 raste.
Sipas këtij njoftimi, komuna më e prekur edhe sot është ajo e Prishtinës, me 75 raste të konfirmuara.
Ndërsa këto janë komunat e prekura: komuna Gjilan 28 raste, komuna Ferizaj 21 raste, komuna Fushë Kosovë 11 raste, komuna Lipjan 11 raste, komuna Podujevë 8 raste, komuna Viti 6 raste, komuna Mitrovicë 6 raste, komuna Drenas 5 raste, komuna Kamenicë 4 raste, komuna Malishevë 4 raste, komuna Vushtrri 4 raste, komuna Skenderaj 4 raste, komuna Gjakovë 3 raste, komuna Shtime 3 raste, komuna Pejë 3 raste, komuna Obiliq 2 raste, komuna Rahovec 2 raste dhe me nga 1 rast komunat: Deçan, Prizren dhe Shtërpce.