E ndaluan në pikë kontrolli, i gjetën narkotik në veturë e më pas edhe në shtëpi një të dyshuari

Njësitë policore gjatë një pike kontrolle në Ferizaj,  kanë ndaluar në të cilën ishin dy persona vozitësi dhe pasagjeri. 

Gjatë kontrollit të veturës është gjetur dhe sekuestruar një qese me substancë të dyshuar narkotike të llojit marihuanë.  

Rasti është regjistruar më 30.08.2024. Tutje policia ka njoftuar edhe se kanë marrë vendim nga prokurori për tu kontrolluar shtëpia e njërit nga të dyshuarit. 

 Gjatë kontrollit janë gjetur dhe sekuestruar  një qese najloni me substancë të dyshuar narkotike e llojit marihuanë me peshë rreth 31.2 gram, një qese najloni me substancë të dyshuar narkotike të llojit kokainë me peshë rreth 5.6 gram, substancë e dyshuar narkotike e llojit marihuanë me peshë rreth 13.4 gram, qese najloni të zbrazëta për përdorim të mbështjelljes së Marihuanës, një peshore digjitale, dy mullinj për bluarjen e Marihuanës, si dhe një telefon celularë. 

Pas mbledhjes së këtyre materialeve dhe dëshmive, me vendim të prokurorit njëri nga të dyshuarit është arrestuar dhe pas intervistimit është dërguar në mbajtje.