E mitura nxirret me forcë nga lokali në prani të ministrit Faton Peci

Një vajzë e mitur, lypsare, teksa po kërkonte lëmoshë afër tavolinës ku ishte ministri i Bujqësisë, Faton Peci, është nxjerrë me forcë nga lokali nga kamerieri.

Ministri nuk ka reaguar ndaj këtij veprimi.

KALLXO.com ka tentuar të marrë një reagim nga ministri por ai nuk është përgjigjur në telefonatë.

Video është shpërndarë nga deputeti i Kuvendit të Kosovës, Behgjet Pacolli, i cili e ka kritikuar ministrin Peci.

“Bravo Ministër Peci… duhet pasur ndjenjat e ministrit për të mos reaguar përballë një situate ku një vajza e vogël që kërkonte lemoshë u hodh me dhunë nga lokali. Mjerë na” – ka shkruar Pacolli në Facebook.