Objekti i Klinikës së Gjinekologjisë. Foto: KALLXO.com
E mitura nga Shqipëria lind fëmijë në QKUK, dyshohet për lidhje jashtëmartesore me një mitrovicas
30.9.2020 - 10:59
Një e mitur, shtetase e Shqipërisë, ka lindur para dy ditëve një fëmijë.
Policia ka bërë të ditur se gjatë ditës së djeshme janë njoftuar se në repartin e Gjinekologjisë në Prishtinë një mitur ka lindur një fëmijë.
Sipas hetimeve, dyshohet se e mitura është në bashkësi jashtëmartesore me një person, dhe të njëjtit qe tri vite jetojnë në Mitrovicë.
I dyshuari është në kërkim nga ana e policisë.