Kërpudha - Foto: REL
Dyshohet se solli ilegalisht 600 kilogram kërpudha në Kosovë, një person shoqërohet në polici
16.7.2021 - 14:44
Në pikën kufitare në Uglar të Gjilanit, dje është shoqëruar në stacionin policor një shtetas i Serbisë, i cili kishte ngarkuar në veturën e tij rreth 600 kilogram kërpudha të freskëta.
Sipas Policisë, për shkak se kishte mungesë dokumentesh, personi dyshohet se kërpudhat i solli ilegalisht.
Me vendim të prokurorit, malli është konfiskuar dhe i është dorëzuar doganës, ndërsa i dyshuari është liruar dhe rasti është duke u hetuar në procedurë të rregullt.