Dyshohet se kreu vjedhje në dy markete në Gjilan, arrestohet një person

Policia e Kosovës, më 11.02.2025, e ka arrestuar një person, i cili dyshohet se ka kryer vjedhje në dy markete në Gjilan.

Të njëjtit i janë sekuestruar telefona mobil, para të gatshme dhe një sasi e konsiderueshme e cigareve.

“Është arrestuar i dyshuari mashkull kosovar, nën dyshimin se i njëjti ka kryer vjedhje në dy markete – lokacione të ndryshme. Si prova materiale janë sekuestruar: dy telefona mobil,  230 euro kesh para dhe një sasi të cigareve në vlerë rreth 500 euro.” – tha Policia në Raportin 24-orësh.

Tutje, Policia njoftoi se pas intervistimit me vendim të Prokurorit i dyshuari është dërguar në mbajtje.