Foto: Afrim Ejupi/KALLXO.com

Dyshime për mosmarrëveshje rreth kredisë, sulmohet një person në Prizren

Një burrë ka pësuar lëndime të lehta trupore pasi dyshohet se është sulmuar fizikisht nga një person.

Ngjarja ka ndodhur dje rreth orës 10:40, në rrugën “Jonus Emre”, në Prizren.

Sipas njoftimit, rasti ka ndodhur si pasojë e një mosmarrëveshje rreth një kredie që kishte pasur viktima me të dyshuarin.

“I dyshuari nuk kishte përfillur masën e arrestit shtëpiak të shqiptuar nga gjykata”- thuhet në njoftimin e Policia.

Me vendim të prokurorit i dyshuari është dërguar në Qendrën e Paraburgimit- Prizren, ka njoftuar Policia.