Ilustrim
Dy vjeçari në Lipjan bie nga kati i dytë
13.9.2022 - 10:35
Një fëmijë 2-vjeçar është rrëzuar nga dritarja e katit të dytë e shtëpisë së tij gjatë ditës së djeshme në Lipjan.
Lidhur me rastin, Policia e Kosovës ka njoftuar se fëmija ka lëndime të rënda trupore.
Tutje është thënë se, për rastin në fjalë, në konsultim me prokurorin, pritet që më vonë të bëhet intervistimi i familjarëve lidhur me ngjarjen.
Ngjarja raportohet të ketë ndodhur dje rreth orës 18:00.
Policia ka thënë se viktima është dërguar për tretman mjekësor, ndërsa njësitet policore kanë dalë në vendin e ngjarjes dhe janë duke hetuar rastin.