Dy të plagosur me armë zjarri në Podujevë

Të paktën dy persona kanë mbetur të plagosur nga të shtëna me armë zjarri në Podujevë.

Sipas zëdhënëses së Policisë për rajonin e Prishtinës, Florie Ahmeti, ngjarja ka ndodhur në rrugën ‘Zahir Pajazit’ rreth orës 20:00.

“Bazuar në të dhënat fillestare dyshohet se nga personi i dyshuar (i njohur për policinë) janë plagosur 2 persona. Të njëtit janë dërguar për tretman mjekësor. Menjëherë pas marrjes së këtij informacioni policia ka dalë në vendin e ngjarjes  dhe është vënë në ndjekje të personit të dyshuar i cili në ikje e sipër ka shtënë edhe në drejtim të zyrtarëve policorë të cilët  detyrimisht i jane pergjigjur në mënyrën e njëjtë”, ka bërë të ditur Ahmeti për KALLXO.com.

Sipas saj, aktualisht hetuesit policorë janë në kërkim të personit të dyshuar, si dhe sqarimin e të gjitha rrethanave që lidhen me rastin.