Dy të lënduar nga një shpërthim në lagjen "Veternik" të Prishtinës, dyshohet nga një bombol gazi

Dy persona kanë marrë lëndime nga shpërthimi që ka ndodhur sot, më 13.12.2024, në “Veternik” në Prishtinë.

Dyshohet se shpërthimi ka ndodhur nga një bombol gazi.

Agron Borovci, zëdhënës i Policisë së Kosovës për Rajonin e Prishtinës, ka thënë për KALLXO.com, se rreth orës 16:00 është pranuar informata për një shpërthim në “Veternik” në Prishtinë.

“Policia ka dalë në vendin e ngjarjes dhe në bazë të informacioneve të para dyshohet që, shpërthimi ka ardhur nga një bombol gazi. Nga informacionet e deritanishme bëhet e ditur se dy persona kanë pësuar lëndime.” – ka thënë Borovci.

Borovci ka thënë se Policia edhe mekanizmat e tjerë kompetentë janë duke e hetuar këtë rast.