Foto: REL/MIA
Dy të arrestuar për falsifikim të testeve për COVID-19
10.9.2021 - 10:37
Policia e Kosovës ka njoftuar për dy raste të falsifikimit të testeve për COVID-19.
Në rastin e parë, raportohet se është arrestuar një burrë në Pejë pasi që i njëjti dyshohet se ka bërë falsifikim të testeve COVID-19 me logo të një laboratori.
Lidhur me rastin, me urdhër të prokurorit janë kontrolluar zyrat e agjencisë ku janë konfiskuar kompjuterë, një biletë aeroplani si dhe disa dëshmi tjera.
I dyshuari është dërguar në mbajtje.
Ndërsa në rastin e dytë, raportohet se një shtetase e Serbisë, në pikën kufitare në Bërnjak, është arrestuar pasi që e njëjta dyshohet se ka falsifikuar testin e COVID-19.
Pas intervistës me vendim të prokurorit e dyshuara është liruar në procedurë të rregullt.