Dy raste të dhunës në familje në Fushë Kosovë
28.6.2021 - 10:18
Dy raste të dhunës në familje në Fushë Kosovë janë raportuar gjatë 24 orëve të fundit në Polici.
Në njërin rast dyshohet se një burrë ka sulmuar bashkëshorten e tij, ndërsa në tjetrin i dyshuari ka sulmuar bashkëshorten e tij dhe tre fëmijët e mitur.
Sipas Policisë, dje rreth orës 15:00 është arrestuar një i dyshuar pasiqë i njëjti dyshohet se ka sulmuar fizikisht bashkëshorten e tij. Ndërsa, rasti tjetër ka ndodhur rreth orës 18:30 në Fushë Kosovë ku dyshohet se i dyshuari ka sulmuar bashkëshorten dhe tre fëmijët e mitur.
Të gjitha viktimat kanë pranuar tretman mjekësor.
Ndërsa të dy të arrestuarit me vendim të Prokurorisë janë dërguar në mbajtje.