Ilustrim, Foto: Gerd Altmann
Dy raste të dhunës në familje në 24 orët e fundit
11.6.2022 - 10:06
Dy raste të dhunës në familje janë raportuar në Polici në 24 orët e fundit.
Sipas raportit të Policisë, raste janë raportuar në Skenderaj dhe Podujevë.
Në Skenderaj, një grua ka raportuar në Polici se burri i saj ka ushtruar dhunë fizike ndaj saj. Gruaja ka marrë tretmanin mjekësor kurse burri pas intervistmit është liruar në procedurë të rregullt.
Rasti ka ndodhur dje rreth orës 13:30 dhe po trajtohet si “dhunë në familje”.
Edhe rasti tjetër, i cili po trajtohet njëjtë, ka ndodhur në Podujevë.
Edhe në këtë rast burri dyshohet se ka sulmuar fizikisht gruan e tij, ndërsa pas intervistimit është dërguar në mbajtje.