Dy persona u arrestuan në Prishtinë në ditën e Zgjedhjeve

Policia në Prishtinë ka arrestuar dy qytetarë në ditën e Zgjedhjeve, më 09.02.2025, pasi dyshohen se vendosën disa pamfletë që ndërlidhen me Zgjedhjet.

Sipas Policisë, rasti ka ndodhur rreth orës 09:00.

“Me vendim të Prokurorit, të dyshuarit janë dërguar në mbajtje.” – njofton Policia, më 10.02.2025.

Policia e ka trajtuar rastin si “nxitje e urrejtjes dhe mosdurimit”. Sipas Ligjit për Zgjedhje, të gjitha partive politike, mbështetësve dhe kandidatëve të tyre u ndalohet të mbajnë fushatë nga fillimi i procesit të votimit deri në përfundimin e tij.

Zgjedhjet e vitit 2025 për Kuvend të Kosovës janë Zgjedhjet e gjashta me radhë që u mbajtën që nga shpallja e pavarësisë së Kosovës, më 17.02.2008.