Dy ministra kryesorë japin dorëheqje nga qeveria e Mbretërisë së Bashkuar
Dy ministra kryesorë të Mbretërisë së Bashkuar dhanë dorëheqjen brenda pak minutash nga njëri-tjetri të martën në mbrëmje, për t’i dhënë një goditje e madhe kryeministrit Boris Johnson.
Sajid Javid, Sekretari i Shtetit për Shëndetin dhe Kujdesin Social, dha dorëheqjen duke thënë se e kishte humbur besimin tek kryeministri Johnson.
Pastaj vetëm disa minuta më vonë, Rishi Sunak, kancelari i thesarit – ose ministri i financave – e bëri të njëjtën gjë.
Boris Johnson ka qenë i shpejtë për ta zëvendësuar Javidin me Shefin e Stafit të Doëning Street, Steve Barclay, ndërkohë që ministri i arsimit Nadhim Zahaëi do ta zëvendësojë Sunak, konfirmoi zyra e kryeministrit të martën mbrëma.
Ai u ka dërguar gjithashtu letra të dy ish-ministrave, duke thënë se Javid “do t’i mungojë shumë” dhe se “do t’i mungojë bashkëpunimi me [Sunak] në qeveri.”
Dorëheqjet e zyrtarëve të tjerë të partisë Konservatore pasuan dorëheqjet e dy antarëve të profilit të lartë. Nënkryetari i partisë Bim Afolami dha dorëheqjen gjatë një interviste televizive, ndërsa deputeti konservator Andreë Murrison dha dorëheqjen si i dërguari tregtar i Johnson. Disa ndihmës parlamentar kanë dhënë gjithashtu dorëheqjen.
Kjo ndodh pasi një sërë skandalesh – tubime dhe ndeja në ambiente të qeverisë gjatë bllokadave të COVID – bënë që popullariteti i Johnson të binte.
Johnson i mbijetoi një votëbesimi të Partisë Konservatore muajin e kaluar, ndonëse 41% votuan për ta larguar atë nga detyra e kryeministrit./Euronews
Përktheu: Nuhi Shala