Pamje që na bëjnë krenarë pjestaret e FSK-së diplomohen në Britani
Dy pjesëtarë të FSK-së do të diplomohen sot si oficerë ushtarak në Akademinë Mbretërore Ushtarake Sandhurst.
Kështu ka njoftuar Ambasada e Britanisë në Kosovë.
“Ne jemi të entuziazmuar që togerja Iliriana Bunjaku do të nderohet me Shpatën Ndërkombëtare, që i jepet kadetit ndërkombëtar me performancën më të lartë në këtë kurs”, thuhet në njoftim.
“Ajo luftoi kundër një konkurrence shumë të fortë për të fituar këtë çmimin, e cila reflekton performancën e saj të jashtëzakonshme, duke demonstruar qëndrueshmëri fizike, guxim dhe aftësi të vërteta drejtuese gjatë gjithë kursit. Urime për një arritje të pabesueshme Iliriane”, thuhet në urimin që ka dhënë Ambasada e Britanisë.
Çmimi do të dorëzohet nga Shefi i Shtabit të Mbrojtjes, Gjenerali Sir Nicholas Carter.
Ky është një moment jashtëzakonisht krenar për ne dhe demonstron profesionalizmin dhe aftësinë e FSK-së.
Deri më sot Mbretëria e Bashkuar ka trajnuar 23 pjesëtarë të FSK-së në Akademinë prestigjioze Sandhurst.