Dy infermierë sulmohen nga familjarët e pacientëve në Spitalin e Mitrovicës

Shërbimi Spitalor dhe Klinik Universitar i Kosovës(SHSKUK) ka njoftuar se mbrëmë në Spitalin e Përgjithshëm “Dr.Sami Haxhibeqiri” në Mitrovicë se, në Repartin e Emergjencës, janë sulmuar dy infermierë derisa po kryenin punën e tyre.

Sipas ShSKUK-së, infermierët e sulmuar nga familjarët e pacientëve janë: F.M dhe A.H, të cilët kanë kanë marrë lëndime trupore.

“SHSKUK e dënon dhe cilëson si të pa pranueshëm sulmin ndaj punëtorëve shëndetësorë, duke kërkuar nga organet kompetente që të merren me rastin në fjalë”, thuhet në njoftim.