Dy incidente të zjarrit në Ferizaj, lëndohet një zjarrfikës

Një mobilieri në fshatin Sojevë të Ferizajt dhe një shtëpi në këtë qytet janë përfshirë nga zjarri gjatë ditës së djeshme.

Policia ka njoftuar se incidenti i parë është raportuar në orët e para të mëngjesit të ditës së djeshme.

Njësitet relevante dhe zjarrfikësit kanë dal në vendin e ngjarjes dhe kanë lokalizuar zjarrin, ndërsa përveç dëmeve materiale, lëndime ka pësuar një zjarrfikës, i cili është dërguar në Qendrën Klinike Universitare të Kosovës për tretman mjekësor.

Ndërsa rasti i dytë është raportuar rreth orës 10:50, në rrugën “Zenel Hajdini”, në Ferizaj, kur një person ka raportuar se në rrethana të panjohura është përfshirë nga zjarri kati i tretë i shtëpisë së tij.

Njësitet relevante dhe ekipi i zjarrfikësve kanë dalë në vendin e ngjarjes dhe kanë lokalizuar zjarrin, ndërsa nuk raportohet për ndonjë person të lënduar.