Ilustrim
Dy burra arrestohen pas përfshirjes në një rrahje me një grua në Prishtinë
22.11.2022 - 10:46
Dy burra në Prishtinë janë arrestuar nën dyshimin se janë përfshirë në një rrahje me një grua gjatë ditës së djeshme.
Ngjarja raportohet të ketë ndodhur në rrugën “Dëshmorët e Kombit” në kryeqytet, rreth orës 11:20.
Sipas Policisë së Kosovës, si pasojë e rrahjes, tre të përfshirit, viktima dhe të dyshuarit, kanë pësuar lëndime trupore dhe kanë pranuar tretmanin e nevojshëm mjekësor.
Duke iu referuar raportit policor, me vendim të prokurorit njëri nga të dyshuarit është dërguar në mbajtje, ndërsa tjetri është liruar në procedurë të rregullt.