Foto: Ilustrim
Dy aksidente trafiku në mes veturave që nga mëngjesi në rajonin e Prishtinës
Për vetëm brenda tri orëve në rajonin e Prishtinës kanë ndodhur dy aksidente trafiku, ku si pasojë janë lënduar dy persona.
Zëdhënësja e Policisë së Kosovës për rajonin e Prishtinës, Flora Ahmeti ka thënë për KALLXO.com se aksidenti i parë ka ndodhur rreth orës 08:00, në fshatin Polluzhë të Drenasit.
Ajo ka treguar se në aksident janë përfshirë dy automjete.
“Si pasojë e aksidentit një person është lënduar dhe me rastin po merret njësiti i trafikut” – ka thënë Ahmeti.
Aksidenti tjetër Ahmeti ka treguar se ka ndodhur në rrugën Isa Kastrati në Prishtinë, rreth orës 11:00.
Edhe në këtë rast, zëdhënësja e Policisë ka treguar se si pasojë e aksidentit është lënduar një person.
Tutje ajo ka thënë se me rastin është duke u marr njësiti i trafikut.