Ilustrim
Dy aksidente brenda 30 minutave në Komoran
07.12.2019 - 13:41
Dy persona janë lënduar në dy aksidente të ndryshme që kanë ndodhur në Komoran.
Policia ka dhënë detaje se dy aksidente kanë ndodhur brenda gjysmë ore.
“Në Komoran, autostradë, drejtimi Prishtinë- Prizren, kanë ndodhur dy aksidente, njëri në orën 12:20, ku kanë qenë të përfshira dy vetura dhe është lënduar një person ndërsa tjetri në orën 12:50, ku kanë qenë të përfshira tri vetura ndërsa është lënduar një person”, tha Zëdhënësi i Policisë, Bajram Krasniqi.
Policia e Kosovës, vazhdimisht ka bërë apel që në raste të ndryshimit të motit, pjesmarrësit në komunikcion të kenë kujdes dhe të respektojnë në maksimum shenjat e komunikacionit.