Foto: Kosovo Olympic Comitee/Facebook
Drilon Ibrahimi përfundon garën e shenjëtarisë sportive, renditet i 46-ti
25.7.2021 - 08:38
Olimpisti i Kosovës, Drilon Ibrahimi, ka përfunduar garën e shenjëtarisë sportive në Lojërat Olimpike “Tokio 2020”.
Shenjëtari ka arritur 608.8 pikë, që e renditën në vendin e 46-të.
Sipas Komitetit Olimpik të Kosovës, Drilon Ibrahimi tha se rezultati i sotëm ishte më i miri për të dhe njëherit rekord shtetëror.
Të pranishëm për ta ndjekur dhe përkrahur garuesin tonë ishin edhe presidentja e Republikës, Vjosa Osmani, drejtuesit e KOK-ut dhe përfaqësuesit nga Ministria për Kulturë, Rini e Sport dhe Ambasada e Kosovës në Japoni.