Drenas, opozita me aksion kundër dhënies në shfrytëzim të pronës ku ndodhet objekti i Shtëpisë së Kulturës

Opozita në Drenas ka dalë me një aksion kundër propozimit që objekti ku ndodhet Shtëpia e Kulturës të rrëzohet e t’u jepet bizneseve për ndërtim.

Për të kundërshtuar vendimin, opozita në Drenas ka vendosur pankarta në hapësirat dhe rrethojat e objektit të Komunës së Drenasit më 19.09.2024.

Më 19.09.2024 është thirrur seanca e Kuvendit të Komunës së Drenas, në të cilën do të diskutohet dhe propozimi për dhënien e pronave komunale për shfrytëzim për 99 vjet, për ndërtime.

Në mesin e këtyre pronave, sipas opozitës është edhe objekti ku ndodhet Shtëpia e Kulturës.

Opozita po e kundërshton dhënien e pronave publike për shfrytëzim për 99 vjet, veçmas objektin e Shtëpisë së Kulturës.