Dorëhiqet një drejtor i Bekim Jasharit
08.7.2021 - 16:21
Abdyl Ymeri, drejtor i Kulturës, Rinisë dhe Sportit në Komunën e Skenderajt ka dhënë dorëheqje nga ky post.
Ymeri në një pronocim për KALLXO.com ka thënë se dorëheqja e tij ka të bëjë vetëm për shkaqe personale.
“Kam dhënë dorëheqje për shkaqe personale, për asgjë tjetër. Nuk kam pas asnjë problem aty”, tha shkurt ai për KALLXO.com.
Kryetari i Komunës së Skenderajt Bekim Jashari e kishte emëruar drejtor Abdyl Ymerin në maj të vitit 2020.
Ymeri ishte deputet i Kuvendit të Kosovës nga Grupi Parlamentar i PDK-së.
Ai ka qenë edhe zëvendësministër i Punës dhe Mirëqenies Sociale. Po ashtu ka shërbyer edhe si nënkryetar i Komunës së Skenderajt.