Foto: KALLXO.com
(Dokument) Skemat e 'vjedhjeve' të votave në Skenderaj
Monitoruesit e KALLXO.com, të cilët janë duke përcjellë procesin e rinumërimit të votave në Skenderaj, kanë vërejtur se në shkollën e mesme teknike “Anton Çetta”, ka pasur dallime të mëdha në votat e kandidatëve për deputetë nga tri subjekte të mëdha politike në vend.
Dallime në vendvotimin 2101B/06D ka pasur më shumti tek kandidatët për deputetë nga Partia Demokratike e Kosovës (PDK). Përveç kandidatëve, rezultatet u ndryshuan edhe nga votat e përgjithshme të subjekteve politike.
Në këtë vendvotim, Partia Liberale Egjiptiane (PLE) ka pasur 3 vota, ndërkaq pas rinumërimit përfitoi edhe një. Ndërsa, PDK-së iu zbrit rezultati për një votë, saktësisht në fillim kishte 192 e pastaj 191.
Anëtarët e Komisionit në këtë vendvotim kanë qenë: Fitim Deliu – kryesues, Elira Veseli, Berat Hasani, Arbesa Halimi dhe Besmir Beka.
Kurse në rinumërim komisioni përbëhej nga Sokol Emini – kryesues, Korab Qorri, Olta Gashi, Adonis Qorri, Pajtime Shehu dhe Adhurim Ramadani.
Kandidatja për deputete nga koalicioni parazgjedhor NISMA – AKR – PD, Merita Dervishi ka marrë 4 vota të cilat nuk i kishte në procesin e numërimit fillestar. Po ashtu edhe kandidatit të PLE iu shtua edhe një votë, përderisa në fillim kishte vetëm një.
15 kandidatëve të PDK-së, iu zbriten votat, ndërsa 5 të tjerëve iu shtuan votat pas rinumërimit.
PDK
Emri i kandidatit | Numërimi | Rinumërimi |
Kadri Veseli | 145 | 144 |
Hajredin Kuçi | 16 | 17 |
Memli Krasniqi | 18 | 17 |
Bedri Hamza | 24 | 22 |
Blerta Deliu – Kodra | 38 | 37 |
Uran Ismaili | 23 | 22 |
Xhavit Haliti | 2 | 3 |
Ganimete Musliu | 28 | 27 |
Abelard Tahiri | 25 | 23 |
Idriz Vehapi | 4 | 2 |
Ramë Buja | 2 | 1 |
Ferat Shala | 8 | 9 |
Fehmi Mujota | 2 | 1 |
Raif Qela | 4 | 2 |
Blerim Latifi | 25 | 26 |
Fadil Nura | 67 | 65 |
Leonora Morina – Bunjaku | 0 | 1 |
Rafet Rama | 10 | 11 |
Fitim Selimi | 2 | 1 |
Faik Geci | 25 | 24 |
Donjet Bislimi | 21 | 20 |
Tetë vota gjithsej përfituan pas rinumërimit kandidatët për deputetë nga Lëvizja Vetëvendosje.
Lëvizja Vetëvendosje
Emri i kandidatit | Numërimi | Rinumërimi |
Arben Vitia | 8 | 10 |
Fatmire Kollçaku | 0 | 1 |
Haki Abazi | 5 | 4 |
Mefail Bajqinovci | 7 | 8 |
Mimoza Kusari – Lila | 3 | 0 |
Fitim Uka | 0 | 3 |
Sabri Kiçmari | 0 | 1 |
Drita Millaku | 1 | 0 |
Albin Gashi | 1 | 0 |
Në anën tjetër, kandidati i LDK-së, Anton Quni mbeti me një votë më pak se sa që e kishte në fillim. Ndryshe nga ai, tre bashkëpartiakët e tij, përfituan një votë, nga 0 vota që kishin.
LDK
Emri i kandidatit | Numërimi | Rinumërimi |
Anton Quni | 3 | 2 |
Lirije Kajtazi | 1 | 0 |
Hykmete Bajrami | 1 | 0 |
Doruntinë Maloku – Kastrati | 1 | 0 |
Ismet Beqiri | 1 | 0 |
Valon Murtezaj | 8 | 7 |
Shkumbin Gashi | 0 | 1 |
Rexhep Gjergji | 0 | 1 |
Enver Krasniqi | 0 | 1 |
KALLXO.com ka raportuar se Prokuroria e Shtetit është duke vëzhguar për së afërmi procesin e rinumërimit të votave në Qendrën e Numërimit dhe Rezultateve që prej ditës kur Komisioni Qendror i Zgjedhjeve vendosi për rinumërimin e 530 vendvotimeve të enjten e kaluar.
Në një përgjigje për KALLXO.com, Prokuroria Themelore në Prishtinë tha se pas ftesës së kryetares së KQZ-së, Valdete Daka, prokurori kompetent së bashku me hetuesit nga Policia e Kosovës kanë dal në vendin e ngjarjes.
KALLXO.com ka raportuar lidhur me parregullsitë e numërimit të votave edhe në Deçan, Gjilan, Dragash , Drenas dhe Gjakovë.