Disa verifikues të prekur nga alergjia udhëzohen për në Klinikën Infektive
13.10.2019 - 11:23
Procesi i verifikimit të zarfeve me vota, të ardhura nga Serbia, është ndërprerë rreth orës 11:00.
Kjo pas kundërmimit të zarfeve.
KALLXO.com mëson se disa verifikues të Qendrës së verifikimit të votave kanë pësuar alergji pas kontaktit me zarfet me votat e ardhura nga Serbia.
Alergjia i ka prekur në duar dhe fytyrë.
Po ashtu, KALLXO.com mëson se kundërmimi vinte nga materiali i përdorur për mbylljen e zarfeve.
Një pjesë e personave që kanë pësuar alergji kanë shkuar për kontrolle mjekësore.
Për disa janë lëshuar udhëzim për në Klinikën Infektive.
Pas këtij incidenti, Besnik Buzhala nga divizioni i Shërbimit të Votuesva, ka ndërprerë procesin e verifikimit të votave, me arsyetimin se nuk do të rrezikojë personelin.