Disa persona dyshohen se vodhën arkën me të holla në një xhami në Ferizaj 

Një burrë ka raportuar në Polici se disa persona të panjohur kanë hyrë me forcë në xhaminë e një fshati në Ferizaj dhe kanë vjedhur një arkë me të holla. 

Rasti sipas Policisë, ka ndodhur të hënën më 28.10.2024 pas mesnate. 

Paratë që u vodhën nga arka, shumën e të cilave Policia nuk e ka bërë të ditur, ishin para të gatshme për mirëmbajtje të xhamisë dhe po ashtu të dyshuarit thuhet se vodhën edhe dy ora dore në arkë, të cilat i kishin harruar vizitorët. 

Policia thotë se rasti i cilësuar si “vjedhje e rëndë” është duke u hetuar.