Zjarrfikësit. Foto: Urim Krasniqi/KALLXO.com
Digjet zyra e arkivit në Stacionin Policor në Drenas
Zyra e arkivit në Stacionin Policor është përfshirë nga zjarri gjatë ditës së sotme.
Këtë për KALLXO.com e ka konfirmuar zëdhënësi i policisë në rajonin e Prishtinës, Agron Borovci.
“Rreth orës 13:00 është vërejtur një tym në zyrën e arkivit të stacionit policor në Drenas. Nga ana e zyrtarëve policor që kanë vërejtur tymin janë përdorur aparatet për shuarjen e zjarrit dhe njëkohësisht janë ftuar edhe zjarrfikësit”, ka thënë Borovci për KALLXO.com.
Ai tutje ka thënë se zjarri është lokalizuar dhe policia ka filluar punën për evidentimin e dëmeve që janë shkaktuar.
Policia po ashtu po analizon rrethanat që karakterizojnë ngjarjen me qëllim ndriçimin e shkaqeve të zjarrit.
Borovci ka bërë të ditur se në vendin e ngjarjes është ftuar edhe Inspektorati Policor i Kosovës.