Digjet një veturë në Mitrovicë të Jugut

Një veturë është djegur më 01.11.2024 rreth orës 19:00 në lagjen “Tjegullorja” në Mitrovicë të Jugut.

Shefi i ndërrimit të Zjarrfikësve për Rajonin e Mitrovicës, Gëzim Mehmeti, për KALLXO.com tha se është djegur një veturë e cila ka qenë në parking.

“Është djegur një veturë, ne si zjarrfikës kemi dalë në vendin e ngjarjes rreth orës 19:04. Vetura ka qenë në parking. Ka vetëm dëme materiale jo diçka më shumë”- tha Gëzim Mehmeti.

Lidhur me rastin, KALLXO.com ka kërkuar informacione edhe nga Policia në Mitrovicë të Jugut, por deri në momentin e publikimit të lajmit nuk ka pranuar përgjigje.