Foto: Ilustrim
Digjet kulmi i një ndërtese në një fshat të Graçanicës
21.1.2022 - 11:18
Në fshatin Llapnasellë të Graçanicës është djegur kulmi i një ndërtese.
Sipas Policisë së Kosovës, rasti është hapur pas ankesës së një personi i cili ka deklaruar se nën kulmin e djegur gjenden katër banesa të tij.
Në vendin e ngjarjes kanë dalë njësiti i zjarrfikësve të cilët e kanë shuar zjarrin.
Përveç dëmeve materiale nuk raportohet për të lënduar, kurse në raportin policor nuk dihet nëse zjarri ka qenë i qëllimshëm apo i pa qëllimshëm.
Rasti ka ndodhur dje në mëngjes.