Foto: Kuvendi i Shqipërisë, Facebook 10 shtator 2021

Digjet dhe raundi i tretë, asnjë emër nga opozita për presidentin e ri të Shqipërisë

Ora 16:00 e kësaj të diele ishte afati i fundit që opozita në Shqipëri të jepte propozimin/propozimet e saj për president të vendit, ndërkohë që mazhoranca nuk propozoi asnjë të tillë në raundin e dytë dhe të tretë.

Të hënën Kuvendi do të mblidhet, ashtu siç u dakordësua në mbledhjen e fundit të konferencës së kryetarëve.

Tashmë për t’u zgjedhur presidenti duhen 71 vota dhe jo 84 si në dyja raundet e para, që do të thotë se mazhoranca mund ta zgjedhë e vetme kreun e shtetit.

Kuvendi do të zhvillojë nesër dy seanca radhazi, një për presidentin në orën 10:00 dhe një tjetër për rendin e ditës në 11:00.

Sipas Kushtetutës së Shqipërisë, kandidati për president i propozohet Kuvendit nga një grup prej jo më pak se 20 deputetësh.

Për zgjedhjen e presidentit të vendit, Kuvendi zhvillon deri në pesë votime (raunde). Në votimin e katërt dhe të pestë zgjidhet president kandidati që siguron më shumë se gjysmën e votave të të gjithë anëtarëve të Kuvendit. Votimi i pestë zhvillohet kur në votimin e katërt asnjë kandidat nuk ka siguruar shumicën e kërkuar të votave.

Presidenti Ilir Meta dorëzon mandatin e tij në 24 korrik./Top-Channel