Dhuna ndaj turistëve spanjollë në Shqipëri, autorët shkatërruan edhe furgonin
16.8.2019 - 14:20
Policia në Shqipëri nuk ka reaguar ende për një ngjarje të shëmtuar të ndodhur dje në Qeparo të Himarës ku pesë turistë spanjollë raportohet se janë dhunuar barbarisht nga pronari i lokalit dhe të afërm të tij. Ndërkohë në rrjetet sociale janë publikuar foto dhe video që tregojnë furgonin e shkatërruar me të cilin udhëtonin turistët spanjollë.
Shkak dyshohet se është bërë pakënaqësia e turistëve me ushqimin në restorant, çka ka sjellë edhe reagimin e ashpër të pronarit. Ata janë dhunuar dhe kërcënuar, si dhe u është thyer xhami i mjetit, raporton Top Chanel.
Fatmirësisht turistët kanë mundur të largohen disa kilometra deri sa kanë parë një patrullë të policisë, e cila ka ndërhyrë për të qetësuar situatën.